有一晚我食剩半邊橙擺喺廚房，到第二朝俾我發現姓唐嘅一班曱甴家族走哂出嚟爭橙，真係豈有此理！

於是我就用滅蟑噴霧對付唐家大小成員。

當晚我返到屋企，首先發現大鮑、大契倒臥喺門口嘅地毯上面；

而客廳嘅茶几底下見到利姨嘅屍骸；

而細契、常在德就攬埋一齊死喺廚房門口；

咁細鮑、常在心亦雙雙陳屍喺廁所門口；

旁邊仲有程亮、水擘擘奄奄一息；

阿逸、卓文麗、阿歡、阿欣四隻喺我房門口冇哂反應。

我以為佢哋一家都死清光，殊不知突然望到舅父波由客廳嘅暗角走咗出嚟仲想爬去飯檯下面，咁我即刻拎起隻拖鞋大力一嘢拍落去，當場爆肚慘死。

好開心呀！唐家大小成員全部死喺我嘅手上，佢哋以後唔會再出嚟爭橙啦！

哈哈~好好笑~^^